Një grup migrantësh depërtuan nga Bjellorusia në Poloni

Në pikën kufitare të Bruzës, një grup migrantësh depërtuan nga Bjellorusia në Poloni, raporton media ruse Sputnik nga Bjellorusia.

Prishtinë, 11 nëntor – “Refugjatët dëmtuan gardhin me tela me gjemba,” policia polake regjistroi gjithçka”, thuhet në kanalin Telegram të agjencisë.

Raportohet se “migrantët, duke u larguar nga territori i Bjellorusisë, lëvizin përgjatë gardhit të mbrojtjes polake”.

Situata u përshkallëzua më 8 nëntor, kur rreth 2000 njerëz u mblodhën para telave me gjemba në kufirin midis Bjellorusisë dhe Polonisë.

Forcat polake të sigurisë ndaluan disa përpjekje, duke përfshirë përdorimin e gazit lotsjellës, dhe emigrantët e paligjshëm ngritën tenda dhe ngritën një lloj kampi, pasi nuk mund të shkonin përpara, në BE, as prapa në Bjellorusi, e cila gjithashtu refuzon t’i pranojë. Gjithçka u kthye në një përballje të re politike midis Varshavës dhe BE-së në njërën anë  dhe Minskut, në anën tjetër, me kërcënime për sanksione të reja kundër Bjellorusisë, pra mbylljen e gazsjellësit për furnizimin me gaz rus përmes territorit bjellorus, siç paralajmëroi dje lideri bjellorus Alexander Lukashenko si një mundësi në rast të sanksioneve të reja.  [Geopolitik News/ ISHGJ]