Rikthimi i gjeopolitikës dhe qeveria e re e Malit të Zi

 Rikthimi i gjeopolitikës dhe qeveria e re e Malit të Zi

Prishtinë, 28 prill – Parlamenti malazez zgjodhi të enjten me shumicë votash qeverinë e 43-të, të kryesuar nga kryeministri Dritan Abazoviq, që është de fakto qeveria e parë e pakicës në historinë e vendit.

Qeveria e re ka katër zëvendëskryeministra dhe gjithsej 18 ministri, dhe përveç subjektit të Dritan së Abazoviqit, ajo përfshin përfaqësues të partive të pakicave që përfaqësojnë kroatët dhe boshnjakët, Partinë Socialdemokrate dhe Partinë Popullore Socialiste pro-Serbe.

Partia Demokratike e Socialistëve e Presidentit të Malit të Zi, Milo Gjukanoviq, ka mbështetur qeverinë e Abazoviqit, por përfaqësuesit e saj nuk janë të përfaqësuar në qeveri.

Në prezantimin e tij, Abazoviq theksoi se qeveria e re do të bazohet në dy shtylla kryesore – sundimin e ligjit dhe zhvillimin ekonomik, të cilat kanë pesë fusha prioritare: lufta kundër korrupsionit, investime më të qëndrueshme, integrimi në BE, zhvillimi i qëndrueshëm dhe mbrojtja e mjedisit.

Për kabinetin e Abazoviqit votuan deputetë të partive që përbëjnë Qeverinë nga Lëvizja Qytetare URA, Partia Popullore Socialiste pro-Serbe (SNP), Partia Socialdemokrate (SDP) dhe partitë kombëtare të shqiptarëve, boshnjakëve dhe kroatëve, si dhe deputetë të Partisë Demokratike të Socialistëve (DPS) të Millo Gjukanoviqit, i cili nuk ka përfaqësues në Qeveri.

Të gjithë anëtarët e qeverisë janë të detyruar të merren me të ardhmen e Malit të Zi dhe jo me kapjen e tij të mëtejshme në të kaluarën, tha ai.

“Kjo është arsyeja pse unë jam krenar që për herë të parë, subjektet që nuk kanë bashkëpunuar drejtpërdrejt deri më tani do të punojnë së bashku,” tha Abazoviq.

Qeveria e pakicës përbëhet nga Lëvizja Qytetare URA e Abazoviqit, Partia Popullore Socialiste pro-serbe, Partia Socialdemokrate dhe partitë kombëtare të shqiptarëve, boshnjakëve dhe kroatëve.
Qëllimi i Qeverisë së re është të zhbllokojë procesin e integrimit evropian të Malit të Zi dhe zgjedhjen e pozitave udhëheqëse në Gjyqësor, theksoi kryeministri Abazoviq.

Agresioni i Rusisë kundër Ukrainës ka shkaktuar lëvizje të trazuara gjeopolitike, por kjo krizë e re ka hapur perspektiva të reja për Malin e Zi, tha ai.

“Unë besoj se Mali i Zi mund të kërkojë një anëtarësim të përshpejtuar dhe se me vendime urgjente por të mençura mund të bëhet së shpejti anëtar i plotë i BE-së. Ky është qëllimi ynë më i rëndësishëm”, tha Abazoviq.

Përfaqësuesit e forcve politike shqiptarëve kanë marrë dy poste ministrore. Ministër për të Drejtat e Njeriut dhe të Pakicave është zgjedhur kreu i Partisë Demokratike, Fatmir Gjeka, ndërsa ministër i Administratës Publike është Marash Dukaj nga Alternativa Shqiptare.