Vendet e reja (në mesin e tyre edhe Shqipëria) i bashkohen Këshillit të Sigurimit të OKB-së

Vendet e reja (në mesin e tyre edhe Shqipëria) i bashkohen Këshillit të Sigurimit të OKB-së

Prishtinë, 5 janar – Përveç pesë anëtarëve të përhershëm (Kina, Franca, Rusia, Britania e Madhe dhe SHBA), Këshilli i Sigurimit i OKB-së ka tashmë pesë anëtarë të rinj jo të përhershëm, Shqipërinë, Brazilin, Gabonin, Gana dhe Emiratet e Bashkuara Arabe. Këto shtete morën zyrtarisht detyrën dje pasi u zgjodhën në qershor.

Mandatet e Estonisë, Nigerit, Shën Vincentit dhe Grenadineve, Tunizisë dhe Vietnamit në Këshillin e Sigurimit përfunduan të premten. Shqipëria është për herë të parë në Këshill, Brazili për herë të 11-të, Gaboni dhe Gana për herë të tretë dhe Emiratet e Bashkuara Arabe për herë të parë. Përveç 5 anëtarëve jo të përhershëm të sapozgjedhur, India, Kenia, Meksika, Norvegjia dhe Irlanda kanë mandat deri në fund të vitit 2022.

Megjithatë, më shumë se 50 nga 193 shtetet anëtare të OKB-së nuk janë zgjedhur kurrë anëtarë jo të përhershëm të Këshillit të Sigurimit që nga themelimi i organizatës në vitin 1946.

Çdo shtet anëtar i Këshillit të Sigurimit ka një votë. Në vendimet procedurale (ato që duhet të miratohen që Këshilli i Sigurimit të funksionojë fare), vendimet miratohen nëse nëntë nga pesëmbëdhjetë shtete anëtare, të përhershme dhe jo të përhershme, votojnë për to. Vendimet meritore miratohen nëse për to votojnë nëntë anëtarë të Këshillit të Sigurimit, ndër të cilët të pesë anëtarët e përhershëm duhet të angazhohen pozitivisht për vendimin, kështu që asnjë nga “pesë” të përhershëm nuk mund të vërë veton.

Sipas nenit 31 të Kartës së OKB-së, në mbledhje mund të marrin pjesë nga një shtet joanëtar i Këshillit kur merren vendime që janë me interes thelbësor për atë shtet. Në atë rast, vendi lejohet të marrë pjesë në mbledhje, por votimi nuk lejohet. [GN/ISHGJ]