Media: Një takim mes kancelarit gjerman Scholz dhe liderit rus Putin është planifikuar për në janar

Media: Një takim mes kancelarit gjerman Scholz dhe liderit rus Putin është planifikuar për në janar

Prishtinë, 3 janar – Kancelari gjerman Olaf Scholz është planifikuar të takohet me presidentin rus Vladimir Putin në janar, njoftoi e përditshmja gjermane Bild të hënën (3 janar).

Thuhet se socialdemokrati Olaf Scholz dëshiron të marrë pjesë aktive në politikën në raport me  Rusin. Ky qëndrim i socialdemokratit Scholz është fyerje për partnerët e tij në koalicionin qeverisës – Partinë e Gjelbër – dhe mbarë Bashkimin Evropian, shkruajnë mediat. Zëdhënësja e të Gjelbërve, Annalena Baerbock, e cila erdhi në krye të Ministrisë së Jashtme gjermane në fillim të dhjetorit, ka bërë vazhdimisht deklarata të ashpra për Moskën.

Sipas Bild-it, që citon një burim të paidentifikuar, kancelari Scholz dëshiron “marrëdhënie të reja cilësore” me Moskën.

Kancelari Scholz dëshiron ta bëjë politikën gjermane një prioritet kryesor për Rusinë – që po cilësohet një fyerje për të Gjelbërit, sipas Bild. Kancelari dëshiron një “fillim të ri të kualifikuar” me Putinin dhe foli me të në telefon pak para Krishtlindjeve. Tani ata duhet të takohen personalisht në janar, sipas mediave gjermane.

Sipas RIA Novosti, në një bisedë telefonike të mbajtur më 21 dhjetor, Putin raportoi në detaje mbi propozimet e garancive ruse të sigurisë në Evropë, që Rusia u dërgoi Shteteve të Bashkuara dhe aleatëve të saj. Përveç kësaj, palët diskutuan çështjet e zgjidhjes së konfliktit në Donbas dhe Putini tërhoqi vëmendjen e Scholz-it për faktin se Kievi po shmang zbatimin e marrëveshjes së Minskut, e cila pengon mbajtjen e një samiti të ri në formatin e Normandisë.

Scholz e konsideron të rëndësishme ndërtimin e marrëdhënieve me Rusinë dhe do ta trajtojë vetë këtë çështje. Sipas Bild, këshilltari i kancelarit për politikën e jashtme, Jens Pletner, ka përgatitur një takim mes shefit të tij dhe Putinit prej rreth dy javësh.

Në të njëjtën kohë, një zëdhënës i qeverisë gjermane tha për TASS se, qeveria nuk mund të raportojë ende asgjë në lidhje me kontaktet e mundshme midis Gjermanisë dhe Rusisë në nivelin më të lartë.

Në të njëjtën kohë, agjencia kujton se në karrierën e tij të mëparshme, Olaf Scholz kishte qenë i përfshirë në marrëdhëniet vëllazërore të Hamburgut dhe Shën Petersburgut për shumë vite.