Von der Leyen i dërgoi një paralajmërim indirekt të djathtës italiane

Von der Leyen i dërgoi një paralajmërim indirekt të djathtës italiane

Zagreb/Prishtinë, 23 shtator – Presidentja e Komisionit Evropian Ursula von der Leyen e ka paralajmëruar Italinë për pasojat nëse devijon nga parimet demokratike, duke dërguar një kërcënim të fshehtë pak përpara zgjedhjeve të së dielës, në të cilat pritet të fitojë blloku i krahut të djathtë të udhëhequr nga Giorgio Meloni, raporton Reuters.

Komentet tregojnë për shqetësimet në disa kryeqytete evropiane për zgjedhjet e ardhshme dhe sugjerojnë se marrëdhëniet midis Brukselit dhe Romës mund të bëhen të trazuara nëse Meloni dhe partnerët e saj fitojnë. “Qasja ime është se cilado qeveri demokratike është e gatshme të punojë me ne, ne punojmë së bashku,” tha von der Leyen në Universitetin Princeton në Shtetet e Bashkuara të enjten, kur u pyet nëse kishte shqetësime për zgjedhjet e ardhshme të Italisë. “Nëse gjërat shkojnë në një drejtim të vështirë… Unë po flisja për Hungarinë dhe Poloninë, ne i kemi mjetet,” shtoi ajo.

Matteo Salvini, kreu i Lidhjes, e cila është pjesë e koalicionit të krahut të djathtë neofashist, i dënoi komentet e saj si “arrogancë të turpshme”. “Çfarë është ky, një kërcënim?”, shkroi ajo në Twitter. “Respektoni zërin e lirë, demokratik dhe sovran të popullit italian!”, shtoi ajo. Von der Leyen me sa duket po aludonte në rekomandimin e Komisionit Evropian nga e diela e kaluar për të parandaluar Hungarinë të përdorë rreth 7.5 miliardë fonde evropiane për shkak të korrupsionit, që është rasti i parë i tillë brenda mekanizmit për mbrojtjen e shtetit të së drejtës.

Eric Mamer, një zëdhënës i Komisionit Evropian, u tha gazetarëve në Bruksel se, von der Leyen nuk donte të ndërhynte në politikën italiane. “Ajo theksoi rolin e Komisionit si mbrojtës i traktateve (evropiane) në aspektin e sundimit të ligjit,” tha ai të premten. [GN/ISHGJ]