Dita e Përkujtimit të Holokaustit: “Pusho në paqe gjysh, fitove”

Dita e Përkujtimit të Holokaustit: “Pusho në paqe gjysh, fitove”

Në një ceremoni përkujtimore në Mauthausen me kreun e qeverisë, Ministri i Jashtëm izraelit Jair Lapid përkujtoi hebrenjtë që u vranë në kampin e përqendrimit – përfshirë gjyshin e tij.

Ka vende ku gazetaria arrin kufijtë e saj. Ish kampi i përqendrimit Mauthausen është një vend i tillë. Sepse me çfarë fjalësh të përshkruash kujtimin e tmerrit kur është kaq i thellë, kaq gjithëpërfshirës?

Më shumë se 90,000 njerëz u vranë nga nazistët në Mauthausen dhe kampet satelitore të lidhura midis viteve 1938 dhe 1945. Shumë prej tyre u punuan për vdekje në gurore, të tjerët u ngrinë për vdekje, u qëlluan ose u goditën me gaz.

Një prej tyre ishte Bela Lampel, gjyshi i ministrit aktual të Jashtëm izraelit Jair Lapid. Një muaj para se kampi të çlirohej, më 5 prill 1945, ai u vra në Ebensee. Nazistët, të fiksuar pas burokracisë, si shkas të vdekjes regjistruan në librin e tyre “dështimin e zemrës” si shkakun e vdekjes. Ata gënjyen.

Dje, të enjten, në Ditën Ndërkombëtare të Përkujtimit të Holokaustit, Lapid qëndronte pranë kancelarit austriak Karl Nehammer, ministrit të Jashtëm Alexander Schallenberg, Ministrit të Brendshëm Gerhard Karner dhe Guvernatorit të Austrisë së Epërme, Thomas Stelzer në zonën e thirrjeve të ish-kampit në Mauthausen. Një erë e akullt fryn nëpër terren ndërsa Nehammer dhe Lapid vendosin kurora me lule në sarkofagun në qendër të sheshit. Një klarinetë e vetme luan një melodi pak të njohur. Para se të kthehet, Lapid vendos me dashuri një dorë mbi monumentin me mbishkrimin “Të gjallët mësojnë nga fati i të vdekurve”. [Kurier]