Ish-zëvendëspresidenti i SHBA-së, Mike Pence:  mund të mos e mbështesë Trumpin në zgjedhje

Ish-zëvendëspresidenti i SHBA-së, Mike Pence:  mund të mos e mbështesë Trumpin në zgjedhje

Prishtinë, 21 tetor – Ish-zëvendëspresidenti Mike Pence la të kuptohet të mërkurën se ai mund të mos mbështesë ish-shefin e tij Donald Trump nëse ai nominohet për garën presidenciale të vitit 2024, raporton Anadolu.

“Epo, ndoshta ka dikë tjetër që do të preferoja,” i tha Pence një turme në Universitetin Georgetown kur u pyet nëse ai do të mbështeste Trump-in nëse ai kandidonte përsëri për president dhe bëhej kandidati republikan.
“Ajo që mund t’ju them është se jam plotësisht i bindur se Partia Republikane do të rregullojë udhëheqjen,” shtoi ai. “I gjithë fokusi im është te zgjedhjet e pjesshme dhe kështu do të mbetet edhe në 20 ditët e ardhshme. Por pas kësaj do të mendojmë për të ardhmen tonë dhe të kombit dhe do t’ju mbaj të informuar”.

Sipas analistëve politikë, deklaratat e Pence janë treguesi më i fundit i mundshëm se ai mund të konsiderojë kandidimin për zgjedhjet presidenciale të 2024-ës në SHBA. Pence, i cili u nda me Trump-in lidhur me akuzat për “mashtrim” gjatë zgjedhjeve presidenciale të vitit 2020 dhe një ngjarje në kryeqytetin amerikan më 6 janar 2021, ka shmangur kritikimin publikisht të Trump-in.

Edhe pse ai la të kuptohet se mund të kandidojë, Trump-i ende nuk ka bërë një deklaratë të qartë për temën e kandidimit për zgjedhjet presidenciale të 2024-ës, por në korrik të vitit të kaluar, duke folur për revistën New York, ai tha për kandidimin e tij të mundshëm presidencial: mendimi im, unë tashmë e kam marrë atë vendim”, dhe do ta shpallë më 8 nëntor, ditën e zgjedhjeve afatmesme në SHBA. [ISHGJ]