Ministri ukrainas i Mbrojtjes: Rusët po planifikojnë një ofensivë të madhe më 24 shkurt

Ministri ukrainas i Mbrojtjes: Rusët po planifikojnë një ofensivë të madhe më 24 shkurt

Prishtinë/Zagreb, 2 shkurt – Oleksiy Reznikov, ministri i mbrojtjes i Ukrainës, tha se Rusia po përgatit një ofensivë të re të madhe dhe paralajmëroi se ajo mund të fillojë më 24 shkurt, raporton BBC.  Ai tha se Moska kishte mbledhur mijëra trupa për të shënuar përvjetorin e parë të fillimit të pushtimit. Sipas tij, Moska ka mobilizuar rreth 500 mijë ushtarë për ofensivën. Duke folur për mediat franceze, Reznikov paralajmëroi se Rusia do të ngrejë një kontigjent të madh trupash. Duke iu referuar mobilizimit të 300,000 trupave nga Rusia shtatorin e kaluar, ai argumentoi se numrat në kufi sugjeronin se madhësia aktuale mund të ishte më afër 500,000.

“Ne nuk e nënvlerësojmë armikun tonë. Zyrtarisht kanë shpallur 300 mijë, por kur e shohim ushtrinë në kufi, sipas vlerësimeve tona është shumë më tepër”, tha ai. Sulmi do të ishte gjithashtu afër Ditës së Mbrojtësit të Atdheut të Rusisë, e cila festohet më 23 shkurt. Ndërkohë, tre persona u vranë në një sulm në qytetin e Kramatorsk-ut dhe tetë u plagosën në një qytet në rajonin e Donetsk-ut, kur një raketë ruse goditi një ndërtesë banimi, tha guvernatori i provincës. Ekipet e shpëtimit po kërkojnë rrënojat dhe numri i viktimave pritet të jetë më i madh.

“E vetmja mënyrë për të ndaluar terrorizmin rus është ta mposhtim atë”, shkroi Zelensky në mediat sociale për sulmin. “Tanke. Avionë luftarakë. Me raketa me rreze të gjatë”, ka shkruar ai.
Ukraina kohët e fundit kërkoi përsëri avionë luftarakë për t’u mbrojtur nga sulmet ajrore pasi Gjermania, SHBA dhe Britania e Madhe ranë dakord t’u dërgonin atyre tanke. [GP/ISHGJ]