Në Gjermani po diskutohet sërish rifutja e rekrutimit universal

Në Gjermani po diskutohet sërish rifutja e rekrutimit universal

Prishtinë, 3 mars – Në Gjermani, si pjesë e reagimit ndaj luftës në Ukrainë, është zhvilluar një debat për rikthimin e mundshëm të shërbimit ushtarak universal.

“Shërbimi i përgjithshëm ushtarak nuk do të kufizohet vetëm në shërbimin në Bundeswehr, por edhe në sektorin special dhe mbrojtjen teknike,” i tha Hamburger Morgenpost-it të enjten Carsten Linnemann-i, nënkryetar i Bashkimit Kristian Demokrat (CDU) në opozitë.

Ai beson se rifutja e shërbimit ushtarak do të “forconte qëndrueshmërinë e shoqërisë në kohë jashtëzakonisht të vështira”.

Kolegu i tij i partisë dhe ish-anëtari i presidencës së CDU-së, Johann Wadephul, beson se shërbimi ushtarak duhet të lidhet me “përfitimet financiare”, të tilla si marrja parasysh e kohës së kaluar në shërbimin ushtarak në vitet e shërbimit, duke mos e ndjekur plotësisht praktikën e vjetër të numërimit të kohës së kaluar në shërbimin ushtarak.

“Bundeswehr-i duhet edhe një herë të jetë më i përfshirë në shoqëri,” tha Wadephul.

Rivendosja e shërbimit ushtarak, i cili u hoq në vitin 2011, kundërshtohet nga ministrja e Mbrojtjes dhe politikania e Partisë Social Demokratike të Gjermanisë (SPD) në pushtet, Christine Lambrecht, e cila beson se një debat i tillë nuk i sjell dobi askujt dhe se ka pengesa ligjore si ndryshim i kushtetutës.

Komisionerja e Bundestagut për Bundeswehr, Eva Hoegl, tha gjithashtu se diskutimi për shërbimin ushtarak në këtë kohë “nuk çon në asgjë”.

Gjenerali Eberhard Zorn, kryeinspektori i Bundestagut, që korrespondon me pozicionin e komandantit të forcave të armatosura, beson se rekrutimi ushtarak nuk mund t’i përgjigjet sfidave moderne të mbrojtjes.

“Rekrutët janë krejtësisht të papërshtatshëm për të luftuar në hapësirën kibernetike. Ne kemi nevojë për individë të trajnuar mirë, shumë të specializuar për t’iu përgjigjur gamës më të gjerë të mundshme të sfidave të reja, “tha Zorn.

Ai gjithashtu theksoi se vendimi për rikthimin e rekrutimit nuk mund të merret “shpejt”.

Kundër shërbimit ushtarak është edhe Partia Liberal Demokratike (FDP) në pushtet, e cila mendon se ky propozim nuk është në frymën e kohës.

“Është krejtësisht e pakuptueshme që kristiandemokratët po e nxjerrin nga sirtari idenë e shërbimit ushtarak. “Pas dy vitesh kufizime pandemike, gjëja e fundit që u duhet të rinjve është një ndërhyrje tjetër e shtetit në jetën e tyre”, tha Ministrja e Arsimit Bettina Stark-Watzinger (FDP), e cila tha se kishte mjaft vullnetarë të Bundeswehr-it.

Gjermania kohët e fundit njoftoi një rritje të konsiderueshme (100 milion euro) në buxhetin e saj ushtarak dhe investime shtesë në Bundeswehr. [GN/ISHGJ]