Në Slloveni demokracia shënoi rezultat historik

Në Slloveni demokracia shënoi rezultat historik

Menaxheri Robert Golob dhe partia e tij Lëvizja e Lirisë janë fituesit bindës të zgjedhjeve parlamentare të së dielës në Slloveni dhe do të jenë në gjendje të formojnë shpejt një qeveri të re me vetëm një ose dy parti të tjera, tregojnë rezultatet zyrtare pas numërimit të më shumë se 99.7 për qind të votave.

Prishtinë, 25 prill – Përfaqësues në Asamblenë e re Kombëtare (Parlamentin e ri) prej 90 anëtarësh, me 88 të zgjedhur nga partitë politike dhe dy nga dy pakicat kombëtare, iu dhanë vetëm pesë partive që kaluan pragun elektoral prej 4 për qind.
Partia e Golobit fitoi 35.5% dhe me këtë fitoi 41 vende, gjë që asnjë forcë tjetër politike në historinë e demokracisë sllovene nuk ia ka arritur deri më tani, duke reflektuar një grumbullim votuesish të krahut të majtë që kundërshtuan qeverinë e krahut të djathtë të Janez Janshës.

Ndërkaq kalimi I pragut edhe nga dy partitë e vogla të majta, konsiderohet si “taktikë” e mirë që imponoi qendra e majtë.

Megjithatë, Lëvizja për Lirinë do të ketë nevojë për ndihmën e një partie më të vogël për të formuar një shumicë.
Grupimi  i dytë më i madh i votave në zgjedhjet e djeshme shkoi për Partinë Demokratike Sllovene (SDS), pra për ish-kryeministrin Janez Jansa, i cili tashmë ka pranuar humbjen. Partia e tij fitoi 23.5% të votave dhe 27 mandate, një më shumë se në zgjedhjet e 2018-ës.
Në vendin e tretë sipas rezultatit zgjedhor është forca politike me emrin Sllovenia e Re Kristian Demokrate (NSI), e cila ishte anëtare e qeverisë së mëparshme Jansha dhe presidenti i së cilës, Matej Tonin, njoftoi se do të përfaqësonte një opozitë konstruktive në të ardhmen.
Social Demokratët dhe Partia e Majtë janë partnerët më të mundshëm të koalicionit të Golub-it.

Golob ka qenë i afërt me partitë e Qendrës Liberale prej vitesh, që nga koha e Janez Drnovshek-ut, kur ai ishte sekretar i shtetit, por ai është vendosur si drejtor i suksesshëm për një kohë të gjatë i GEN-it, versioni slloven i HEP, dhe u zëvendësua nga Janez Jansha. Jansha akuzoi rivalin e tij më të madh, Robert Golob, dhe opozitën e majtë për iluzionizëm politik. Ai e konsideron atë pjesë të “shtetit të thellë” dhe një përfaqësues të klasës së privilegjuar shoqërore, dhe në fushatë ai vazhdimisht vuri në dukje pagën jashtëzakonisht të lartë menaxheriale të Golobit dhe lidhjen e tij të pretenduar me ish-presidentin Milan Kuçan, të cilin Jansha e konsideron “patriark” të të majtas sllovene.

Partia Lëvizja për Liri u themelua së fundmi, në janar. Partia udhëhoqi fushatën në favor të kalimit në energjinë e gjelbër, një shoqëri të hapur, media të pavarur dhe respekt për shtetin e së drejtës, shkruan Emerging Europe. “Njerëzit me të vërtetë duan ndryshim,” tha Golob, një sipërmarrës me pak përvojë në politikë, duke deklaruar fitoren përmes lidhjes video nga shtëpia e tij, ku u izolua pasi ishte pozitiv ndaj Covid-19. “Njerëzit kërcejnë e janë të gëzuar sot, por nesër fillon një ditë e re. Ne do të fillojmë të punojmë shumë nesër”. Për Janshën, i cili mori detyrën në vitin 2018, rezultati pothuajse me siguri do të thotë fundi i karrierës së tij politike plot ngjyra dhe shpesh të diskutueshme. Vitin e kaluar, Jansha “i mbijetoi” një kërkese për tërheqje nga katër parti opozitare, duke e akuzuar atë për keqmenaxhim të pandemisë, mos porositje të mjaftueshme të vaksinave dhe sulmin ndaj mediave, veçanërisht agjencinë shtetërore të lajmeve STA. Në shkurt 2021, zyra e komunikimit e qeverisë sllovene pezulloi pagesat për STA, akt të cilin shumë personalitete e qarqe politike në vend e panë si një sulm ndaj pavarësisë editoriale.