Shefi i inteligjencës britanike: Rusia së shpejti do të humbasë vrullin pas dështimit epik në Ukrainë

Shefi i inteligjencës britanike: Rusia së shpejti do të humbasë vrullin pas dështimit epik në Ukrainë

Londër/Prishtinë, 21 korrik – Rusisë së shpejti do t’i “mbarojë momentumi” në Ukrainë, tha kreu i MI6 britanik. Richard Moore tha se trupat ruse “do të duhet të ndalojnë” ndërsa përpiqen të gjejnë më shumë trupa dhe pajisje për t’i dërguar në vijën e frontit në Ukrainën lindore në javët e ardhshme. Kjo do t’i lejojë ushtrisë ukrainase të “kundër godas”, duke i siguruar fitoren Ukrainës, raporton Sky News.

Duke folur në një forum sigurie në Aspen, Kolorado, Moore komentoi gjithashtu shëndetin e Putinit pas thashethemeve se ai vuante nga kanceri. “Nuk ka asnjë provë që Putini vuan nga probleme serioze shëndetësore,” tha ai.

Kur bëhet fjalë për luftën në Ukrainë, kreu i shërbimit spiun MI6 tha se Rusia kishte pësuar “dështime epike” në objektivat e saj fillestare: rrëzimin e qeverisë ukrainase, kapjen e Kievit dhe promovimin e ndarjes brenda aleancës së NATO-s.
Objektivi i Rusisë që atëherë është zvogëluar, duke u përqendruar në Ukrainën lindore, ku ata po zhvillojnë një “luftë të përgjakshme shkatërrimtare”, pretendon ai. “Mendoj se së shpejti do të mbarojë energjia. Vlerësimi ynë është se do të jetë gjithnjë e më e vështirë për rusët që të gjejnë fuqi punëtore dhe materiale gjatë javëve të ardhshme; ata do të duhet të ngecin në një farë mënyre dhe kjo do t’u japë ukrainasve një mundësi për të kundërpërgjigjur. Morali luftarak i ukrainasve është ende i lartë dhe ata kanë filluar të marrin gjithnjë e më shumë armë të mira. Është e rëndësishme që vetë ukrainasit të tregojnë aftësinë e tyre për të luftuar. Kjo do të jetë e rëndësishme për motivimin e tyre të mëtejshëm”, pohon drejtori i MI6.

Lidhur me krizën e gazit në Evropë, Moor ofroi një citim nga seriali i njohur televiziv Game of Thrones: “Dimri po vjen dhe është e qartë se, në një atmosferë të tillë, me presionin mbi furnizimet me gaz, ne jemi në disa kohë të vështira”. [GN/ISHGJ]