Ukraina pretendon: Rusia po lëviz forcat për të rrethuar ushtrinë tonë në lindje

Ukraina pretendon: Rusia po lëviz forcat për të rrethuar ushtrinë tonë në lindje

Prishtinë, 30 mars – Rusia po lëviz forcat nga veriu në lindje të Ukrainës në përpjekje për të rrethuar forcat ukrainase, por i lë disa pranë kryeqytetit Kiev për të qenë pjesë e ushtrisë ukrainase atje, tha sot një këshilltar presidencial ukrainas, raportoi Reuters.

“Megjithëse rusët po tërheqin disa forca rreth Kievit, ata do të lënë forca të caktuara pranë Kievit për të lidhur forcat tona këtu,” tha Arestovich në komentet televizive.

Forcat ruse kanë bombarduar gjithashtu pothuajse të gjitha qytetet përgjatë vijës së frontit që ndan territorin e kontrolluar nga qeveria ukrainase nga zonat e kontrolluara nga separatistët e mbështetur nga Rusia në rajonin lindor të Donetskut, tha guvernatori rajonal. Ai pohoi se luftime të ashpra po zhvillohen në qytetin port jugor të Mariupol. Pavlo Kirilenko tha në televizionin kombëtar se, situata mund të përkeqësohet pasi forcat ruse përqendruan përpjekjet e tyre në sulmin në rajonin e Donetsk.

Zyrtarët ukrainas raportuan për bombardimin e kryeqytetit të Kievit dhe rajonit verior të Chernihiv të mërkurën, pavarësisht premtimit të Moskës për të reduktuar operacionet ushtarake atje. Megjithatë, nënkryetari i bashkisë së Kievit, Mykola Povoroznik ,i tha televizionit kombëtar se, vetë kryeqyteti nuk u granatua brenda natës.

Guvernatori i rajonit të Chernihiv, Vyacheslav Chaus, tha se ai nuk shihte ndonjë lehtësim të sulmeve ruse. “A besojmë ne në atë premtim? Sigurisht që jo”, ka shkruar Chaus përmes Telegramit. “Reduktimi i supozuar i aktivitetit në rajonin e Chernihiv u tregua nga armiku duke kryer sulme në Nizhyn, duke përfshirë sulmet ajrore dhe duke gjuajtur në Chernihiv gjatë gjithë natës”, shkroi ai.

Guvernatori i rajonit Khmelnytsky në Ukrainën perëndimore tha se, forcat ruse goditën objektet industriale në rajon në tre sulme gjatë natës. Guvernatori Serhiy Hamaliy nuk dha detaje për objektivat apo dëmet, por tha se zjarret ishin “lokalizuar” dhe se kishte kontrolle për viktima.

Arestovic tha se luftimet në rrugë në Mariupol ishin të rënda dhe se gjysma e qytetit ishte e pushtuar nga forcat ruse. Vitaly Kim, guvernatori i rajonit Mykolaiv në Ukrainën jugore, tha se luftimet vazhduan gjithashtu rreth Khersonit të pushtuar në Detin e Zi dhe në rajon në tërësi. “Ne nuk po relaksohemi, po punojmë për të forcuar aftësitë tona mbrojtëse”, tha Kim.