Evropa duhet ta shohë veten si një aktor gjeopolitik

Evropa duhet ta shohë veten si një aktor gjeopolitik

Realizimin e sigurisë shoqërore, marrjen e kurorës së fitimit të rastësishëm,  garantimi i perspektivës për anëtarësim në BE: tre social demokratë kryesorë nga Evropa përshkruajnë përgjigjen e tyre ndaj krizës.

Kontributi nga: Lars Klingbeil, Sanna Marin dhe Pedro Sánchez

Të premtën që lamë pas, socialdemokratët kryesorë nga e gjithë Evropa janë takuar në Berlin. Lufta, populizmi, inflacioni, problemet janë të njëjta për të gjithë – por perspektivat brenda familjes partiake nuk janë gjithmonë të njëjta. Në jug, Gjermania shihet me sy mjaft kritik; në veri dhe lindje, në raport me politikën gjermane ndaj Rusisë, mbizotërojnë qëndrime të ndryshme që dallojnë nga ato në SPD.
Në këtë shkrim, kryeministri i Spanjës Pedro Sánchez, kryeministrja e Finlandës Sanna Marin dhe kreu i SPD-së Lars Klingbeil shkruajnë tok për atë që i bashkon dhe për atë çfarë presin nga Europa.
Artikulli është publikuar paralelisht në “El País” dhe në gazetën finlandeze “Demokraatti” dhe në Die Zeit.

Pandemia e koronës, pasiguritë ekonomike, lufta e Rusisë kundër Ukrainës, kriza energjetike: Evropa po përballet me sfida dhe trazira epokale. Sfidat globale si ndryshimi i klimës kërkojnë veprim global dhe udhëheqje politike për t’i trajtuar ato. Regjimet autoritare kërkojnë jo vetëm të shkërmoçin rendin shumëpalësh, por edhe të minojnë demokracinë dhe vlerat tona të përbashkëta në mbarë botën. Ajo tregon se ku mund të mbështeten qytetarët tanë: tek një Evropë e fortë.

Bashkimi Evropian u themelua me synimin për ta bërë të pamundur luftën në kontinentin tonë. Ne ishim gjithashtu në gjendje të mbështeteshim te partnerët tanë të ngushtë në anën tjetër të Atlantikut. Miqësi dhe bashkëpunim në vend të luftës dhe mosmarrëveshjes. Bashkimi Europian është projekti më i suksesshëm i paqes në historinë e gjatë dhe të përgjakshme të Evropës. Është përgjegjësia jonë politike të bëjmë gjithçka që mundemi për ta mbajtur atë kështu.

Lufta agresionit rus kundër Ukrainës, e cila shkel ligjin ndërkombëtar, ka tronditur rendin evropian të sigurisë deri në themel. Lufta është një sulm ndaj paqes dhe sigurisë ndërkombëtare, ndaj vlerave tona evropiane, ndaj demokracisë dhe mënyrës sonë të jetesës. Putini dëshiron të shkatërrojë Ukrainën dhe të ndajë Evropën. Putini po përpiqet të marrë mbështetje nga partnerët tanë në Afrikë, Azi dhe Amerikën e Jugut për luftën e tij të paligjshme, e cila në realitet nuk është gjë tjetër veçse imperializëm brutal.

Por Putin bëri një llogaritje të gabuar masive. Ukrainasit po e mbrojnë vendin e tyre heroikisht, falë edhe mbështetjes së gjerë nga Evropa. Ne mbështesim Ukrainën për aq kohë sa ajo ka nevojë për mbështetjen tonë. Bashkimi Europian tani është më i bashkuar dhe më i fortë se sa ka qenë për një kohë të gjatë. Uniteti dhe shpejtësia me të cilën janë vendosur sanksione gjithëpërfshirëse ndaj Rusisë janë të paprecedentë.

Rendi i sigurisë në Evropë ka ndryshuar në mënyrë të pakthyeshme. Kjo është arsyeja pse pranimi i Finlandës dhe Suedisë në NATO është i drejtë. Ne jemi të bindur se forca jonë është garantuesi i paqeruajtjes në Evropë. Në të njëjtën kohë, ky është një mandat për të zgjeruar me vendosmëri shtyllën evropiane në NATO në vitet e ardhshme dhe për të forcuar kërkimin dhe zhvillimin europian në fushën e mbrojtjes.

Nga ana tjetër, kjo luftë sfidon stabilitetin social dhe kohezionin social në të gjithë Evropën. Ky është qëllimi i Putinit: të ndajë Evropën, të fuqizojë populistët dhe ekstremistët dhe ta çojë demokracinë që ai përçmon në humnerë. Por ai nuk do ta përmbyllë aventurën e tij me këtë.
Edhe gjatë pandemisë së Coronas, ne treguam se Evropa sjell siguri sociale për qytetarët e saj. Falë udhëheqjes së socialdemokratëve evropianë, ne e kaluam mirë krizën. Me financimin tonë në mbarë Evropës me kohë të shkurtër, ne kemi mbrojtur kompanitë nga falimentimi, vendet e punës dhe njerëzit nga rënia sociale. Në të njëjtën kohë, me NextGenerationEU, ne kemi siguruar që rindërtimi pas pandemisë të forcohet përmes investimeve në mbrojtjen e klimës, inovacionin dhe dixhitalizimin.

“Ne shkojmë në një rrugë tjetër”

Vitet e ardhshme do të jenë një sfidë që ne mund ta zgjidhim vetëm së bashku në nivel evropian. Vëzhgojmë me shqetësim se forcat e djathta populiste dhe ekstremiste të krahut të djathtë kanë ardhur në pushtet dhe po luajnë me braktisjen e rrugës së përbashkët evropiane, ose të paktën duke rrezikuar suksesin e saj.
Ne socialdemokratët po marrim një rrugë tjetër. Për ne, bashkëpunimi evropian, krijimi i bazës së përbashkët dhe kompromisi përtej kufijve është rruga drejt një të ardhmeje të mirë evropiane, edhe nëse nuk është e lehtë.

Një përgjigje e vendosur, e koordinuar dhe solidare evropiane është thelbësore për të frenuar përhapjen e krizës. Ne duhet të qëndrojmë të palëkundur në angazhimin tonë për të mbështetur ukrainasit, duke ekspozuar dhe zbutur ndikimin social dhe ekonomik të luftës së tmerrshme brenda Bashkimit Evropian.

Ne duhet të veprojmë për të stabilizuar tregjet e energjisë. Ne duhet të ndryshojmë rregullat e tregut të energjisë në mënyrë që çmimet e energjisë të ulen në mënyrë efektive. Një mjet i rëndësishëm për ta arritur këtë është një kornizë evropiane për kufizimin e përfitimeve të atypëratyshme në sektorin e energjisë. Askush nuk duhet të jetojë me frikën e krizës dhe askush nuk duhet të ketë fitime rekord nga situata e paparashikuar në tregjet e energjisë.

Për sa i përket politikës energjetike, një Evropë sovrane është e pavarur nga importet e energjisë nga diktaturat dhe autokracitë. Ne duam të bëjmë gjithçka që mundemi për të nxitur shpejt zgjerimin e energjive të rinovueshme në të gjithë Evropën, të zgjerojmë rrjetet evropiane dhe kapacitetet e ruajtjes dhe të nxjerrim inovacione duke promovuar teknologji miqësore me klimën. Në këtë mënyrë, ne krijojmë vende pune afatgjatë, me cilësi të lartë, një ekonomi të fortë dhe një të ardhme të pastër në Evropë. Ne aspirojmë ta bëjmë Evropën kontinentin e parë neutral ndaj klimës në botë, dhe në këtë mënyrë të jemi gjithashtu një model dhe partner tërheqës për të tjerët, duke mbrojtur më të cenuarit dhe duke siguruar një tranzicion të drejtë për të gjithë. Si socialdemokratë, ne do të vazhdojmë të ndjekim rrugën drejt një Evrope më të gjelbër, sociale dhe feministe, edhe në krizën aktuale.

Evropa vazhdon të jetë qendër politike tërheqëse dhe një partner tërheqës në një botë në ndryshim. Ne duhet ta pranojmë këtë rol. Evropa duhet ta shohë veten si një aktor gjeopolitik. Kjo do të thotë se një Evropë paqësore, e lirë dhe progresive duhet të jetë e hapur edhe për shtetet e reja anëtare. Ne mirëpresim vendimin për të hapur një perspektivë anëtarësimi për Ukrainën dhe Moldavinë, për t’i ofruar një perspektivë evropiane Gjeorgjisë dhe mbështesim plotësisht anëtarësimin në BE të partnerëve tanë të Ballkanit Perëndimor nëse ata përmbushin të gjitha kriteret. Ne do ta shoqërojmë dhe nxisim ecje përpara të këtij procesi politik.

Megjithatë, një Union i zgjeruar duhet të jetë gjithashtu I aftë për të marrë vendime. Fuqia e Evropës varet nga aftësia e saj për të vepruar dhe për të marrë vendime. Kjo është arsyeja pse ne kemi nevojë për votim më të kualifikuar të shumicës, për shembull në politikën e jashtme të përbashkët evropiane dhe politikën e sigurisë. Dhe ne kemi nevojë për një mekanizëm më të fortë që mbron demokracinë dhe sundimin e ligjit në Evropë dhe lufton korrupsionin.

Të gjithë prandaj duhet të lëvizin tutje për realizimin e këtij objektivi. Kompromisi për ecje përpara ka qenë gjithmonë forca më e madhe e Evropës. Ne socialdemokratët do të japim kontributin tonë për këtë. [Përktheu: ISHGJ]