Rusia i qëndroi pranë Kinës për shkak të vizitës “provokuese” të Nancy Pelosit në Tajvan

Rusia i qëndroi pranë Kinës për shkak të vizitës “provokuese” të Nancy Pelosit në Tajvan

Rusia ka mbështetur Kinën në lidhje me vizitën e kryetares së Dhomës së Përfaqësuesve të SHBA-së, Nancy Pelosi në Tajvan të martën që lamë pas, duke paralajmëruar Uashingtonin se një udhëtim i tillë diplomatik provokues do të sillte Shtetet e Bashkuara në konflikt me Pekinin.

“Për momentin nuk mund të themi me siguri nëse ajo do të arrijë atje apo jo, por gjithçka rreth këtij turneu dhe vizitës së mundshme në Tajvan është një provokim i pastër”, u tha gazetarëve zëdhënësi i Kremlinit, Dmitry Peskov, katër orë para uljes së avionit. Nuk u njoftua publikisht pothuajse deri në minutën e fundit nëse Pelosi do të mbërrinte. Maria Zaharova, zëdhënëse e Ministrisë së Jashtme ruse, tha se vizita e pritshme është një përpjekje provokuese e Uashingtonit për të ushtruar presion ndaj Kinës: Rusia ka krijuar një partneritet të fortë me Kinën në vitet e fundit. “SHBA është një vend provokator”, tha Zakharova dhe shtoi: “Rusia konfirmon parimin e “një Kinës” dhe kundërshton pavarësinë e ishullit në çdo formë”, raporton Interfax. Sigurisht, Rusia aktualisht ka arsye shumë të forta për t’u anuar me Kinën. [GN/ISHGJ]