[Logoja e Forcave Ajrore. Duke pasur parasysh regjistrimet e publikuara të një bisede të Forcave Ajrore, kancelari Scholz flet për një “çështje shumë serioze”.]

Zbulimet e Bundeswehr-it tregojnë: Gjermanisë i mungon një vijë e qartë, rusët janë të vendosur të bëjnë maksimumin. Situata është shpërthyese.

Nga Michael Maier [Berliner Zeitung]

Reagimet nga Berlini dhe Moska ndaj rrjedhjes së Bundeswehr-it rreth planeve për të hedhur në erë urën e Krimesë me raketat Taurus tregojnë një çekuilibër thelbësor. Pas pushtimit të Ukrainës nga Rusia, i cili akt shkeli ligjin ndërkombëtar, rusët janë të vendosur të vazhdojnë politikën me mjete ushtarake. Nga ana tjetër, Gjermania po manovron. Moska ndihet e rrethuar dhe nuk i beson më Perëndimit që të kalojë rrugën. Ministri i Jashtëm rus, Sergei Lavrov, tha në një konferencë për shtyp të shtunën se ishte i bindur se Evropa nuk do të devijonte nga planet e saj, të cilat përfshijnë edhe luftën me Rusinë. Lavrov tha se ai e nxori këtë përfundim nga fjalët e presidentit francez, Emmanuel Macron, për dërgimin e ushtarëve të NATO-s në Ukrainë dhe ato të shefit të Pentagonit, Lloyd Austin, për gatishmërinë e NATO-s për të luftuar Rusinë.

Në konferencën për shtyp pas diskutimeve të forumit diplomatik në Antalia, Lavrov tha se “kampi i luftës në Evropë është ende shumë i fortë”, sipas edicionit në gjuhën angleze të Pravdas. Kjo “konfirmohet nga një regjistrim audio i një bisede telefonike mes oficerëve gjermanë, në të cilën ata flasin për sulmet në Urën e Krimesë”. Lavrov tha se zbulimi ishte në përputhje me botimet e fundit në të cilat ish-udhëheqësit e Gjermanisë, Angela Merkel, Francës, Francois Hollande dhe Ukrainës, Petro Poroshenko, pranuan se ata kurrë nuk synonin ta bënin këtë, për të përmbushur marrëveshjet e Minskut.

Lavrov tha: “Ne dëgjuam se si ata (oficerët e Bundeswehr-it, shënimi i redaktorit të BZ) po përpiqen t’ia hedhin fajin oficerëve amerikanë ose britanikë që janë tashmë në Ukrainë. Ata përpiqen të shmangen që të duken vetë. Kjo është njësoj si kur Hollande dhe Merkel pranuan se nuk do të zbatonin marrëveshjet e Minskut”.

Sipas dpa-së, Ministria Federale e Mbrojtjes ka konfirmuar ndërkohë vërtetësinë e regjistrimit dhe supozon se është përgjuar një bisedë e brendshme mes oficerëve të Forcave Ajrore. “Sipas vlerësimit tonë është përgjuar një bisedë brenda Forcave Ajrore. Aktualisht nuk mund të themi me siguri nëse janë bërë ndryshime në versionin e regjistruar apo të shkruar që po qarkullon në mediat sociale”, tha një zëdhënëse e ministrisë në Berlin të shtunën.

Fjalët e hidhura të Lavrov tregojnë se besimi në fakt është shkatërruar. Zbulimet në lidhje me aktivitetet e Bundeswehr-it do të forcojnë mosbesimin e Moskës ndaj Gjermanisë. Sepse edhe nëse e shihni regjistrimin e bisedës kryesisht si një diskutim teknik në lidhje me përdorimin e raketave Taurus, është e qartë nga regjistrimi: Udhëheqja e Bundeswehr-it është marrë me shkatërrimin e objekteve ruse në detaje – edhe nëse ata vetë. nuk duan të marrin pjesë. Niveli i planifikimit nuk është më larg nga lëvizjet armiqësore që mund të interpretohen si një shpallje lufte. Një zëdhënës i Dumës së Shtetit nuk la asnjë dyshim të premten: ata do të reagonin reciprokisht.

Kancelari Olaf Sholc është në dijeni të dramës dhe premtoi sqarime të shpejta pas publikimit të regjistrimit. Siç konfirmoi një zëdhënëse e qeverisë për Berliner Zeitung, Sholc u pyet në margjinat e një vizite në Vatikan: “Ka një regjistrim nga pala ruse e një bisede që katër oficerë të Bundeswehr-it patën me njëri-tjetrin. Bëhet fjalë gjithashtu për Taurus-it, që do ët rrëzonin Urën e Krimesë, ka të bëjë me faktin se britanikët, francezët dhe amerikanët supozohet se janë tashmë në Ukrainë duke ndihmuar. Sa i madh është dëmi i politikës së jashtme të shkaktuar nga një gjë e tillë?” Sholc u përgjigj: “Ajo që raportohet atje është një çështje shumë serioze dhe për këtë arsye tani po sqarohet me shumë kujdes, shumë intensivisht dhe shumë shpejt. Kjo është gjithashtu e nevojshme.”

Nëse Sholc është ende në kontroll të situatës është një pyetje tjetër. Sipas Pravda-s, në Gjermani ekziston frika se rusët mund të kenë përgjuar më shumë se vetëm këtë regjistrim audio të bisedës së zyrtarëve në fjalë. Eksperti ushtarak i CDU-së, Roderich Kiesewetter tha, sipas dpa, se ai priste që një sërë bisedash të tjera të jenë përgjuar dhe më vonë mund të zbuloheshin për përfitimin e Rusisë. Duhet të supozohet “se biseda u zbulua në mënyrë specifike nga Rusia në këtë moment në kohë me një qëllim specifik”. Kjo mund të jetë “vetëm për të parandaluar dërgesat e Taurus nga Gjermania”.

Deputeti i Wagenknecht-it, Sevim Dagdelen, i tha Berliner Zeitung-ut: “Planet e sulmit të oficerëve kryesorë të Bundeswehr-it me Taurus-ët, duke përfshirë qëllimin e tyre për ta mbuluar atë, nuk janë as në përputhje me Ligjin Themelor dhe as me të drejtën ndërkombëtare. Lufta në Ukrainë nuk është një luftë mbrojtëse gjermane. Rusia nuk e sulmoi Gjermaninë. Këto lojëra simuluese rrezikojnë përfshirjen e drejtpërdrejtë të Gjermanisë në luftë dhe kështu rrezikojnë masivisht sigurinë e popullatës në Gjermani. Kjo çmenduri duhet të ndalet menjëherë! Ne kemi nevojë urgjente për një armëpushim dhe diplomaci në vend të përshkallëzimit të mëtejshëm të përfshirjes së drejtpërdrejtë në luftë.”

Ndryshe nga Sholc dhe Dagdelen, politikanët e tjerë të opozitës, të koalicionit dhe CDU-së nuk komentuan dimensionin e politikës së jashtme të bisedave të përgjuara, por përkundrazi u fokusuan në çështjet e spiunazhit dhe kundër-spiunazhit – dhe për rrjedhojë edhe në çështjet e armatimit të mëtejshëm. “Ne kemi nevojë urgjente për të rritur sigurinë dhe kundërspiunazhin tonë, sepse ne jemi padyshim të cenueshëm në këtë fushë”, tha ekspertja ushtarake e FDP-së, Marie-Agnes Strack-Zimmermann për rrjetin editorial të Gjermanisë (RND). Strack-Zimmermann tha se spiunazhi është “pjesë e mjeteve të luftës hibride të Rusisë”. Nuk është as për t’u habitur që po përgjohen bisedat. “Ishte vetëm çështje kohe para se të bëhej publike.” Nënkryetari i grupit parlamentar të Unionit, Johann Wadephul, i bëri thirrje qeverisë federale të shtrëngonte rregullat për mbrojtjen e komunikimeve. Politikani i Gjelbër, Konstantin von Notz, i tha RND: “Ngrihet pyetja nëse kjo është një ngjarje e njëpasnjëshme apo një problem strukturor i sigurisë.”

Zëdhënësi i politikës së mbrojtjes së Unionit, Florian Hahn, madje shkoi një hap më tej dhe kërkoi që kancelari të sqarohej në Komisionin e Mbrojtjes të Bundestagut. Nga këndvështrimi i tij, biseda e përgjuar dëshmon të kundërtën e asaj që thonë rusët: Tregoi se ukrainasit mund të përdornin Taurus-ët edhe pa personelin e Bundeswehr-it në vend. “Nëse regjistrimi është i vërtetë, deklaratat e kancelarit nga kjo javë nuk janë vetëm të papërshtatshme, por edhe të rreme”, tha politikani i CSU për Agjencinë Gjermane të Shtypit. Ministri Pistorius u informua në mënyrë eksplicite për Taurus-ët, përfshirë përdorimin e tyre të mundshëm. “Prandaj është e vështirë të imagjinohet që Sholc nuk dinte asgjë për këtë vlerësim ushtarak.” Edhe pse ai e konsideron planifikimin ushtarak largpamës si krejt normal, këtu kërkohet sqarim. “Unë pres që kancelari Sholc të flasë për këtë në Komitetin e Mbrojtjes.”

Rezulton se përveç Sholc-it, asnjë politikan deri më tani nuk e ka trajtuar çështjen e pasojave të politikës së jashtme dhe rrezikun e shoqëruar, ndoshta në rritje të një konfrontimi të drejtpërdrejtë ushtarak. Prandaj Gjermanisë i mungon një vijë e qartë, ndërsa rusët janë të vendosur të bëjnë maksimumin. Mundësitë për zbutjen e konfliktit përmes kanaleve diplomatike po pakësohen çdo ditë që kalon. Situata mbetet shpërthyese. [Përktheu: ISHGJ]